National Challenge Cup 2023: Wapid and SA Gardens have qualified for the semi-finals
اردو انٹرنیشنل (اسپورٹس ڈیسک) تفصیلات کے مطابق نیشنل چیلنج کپ 2023 میں سنسنی خیز کوارٹر فائنل کے بعد واپڈ اور ایس اے گارڈنز نے سیمی فائنل کیلئے کوالیفائی کر لیا پہلے کوارٹر فائنل میں میں ایس اے گارڈنز نے ڈبلیو ایس ٹی سی کو 1-0 سے شکست دے دی۔
میچ کا واحد گول عمر نے 38ویں منٹ میں کیا ایس اے گارڈنز کے ہیڈ کوچ ظفر اقبال نے ایسے ایونٹس کے انعقاد پر پاکستان فٹ بال فیڈریشن (پی ایف ایف) کا شکریہ ادا کیا۔
انہوں نے کہا کہ میں بہت خوش ہوں کہ میری ٹیم نے اگلے مرحلے کے لیے کوالیفائی کیا اور مجھے امید ہے کہ پی ایف ایف ایسے ایونٹس کا انعقاد موزوں انداز میں جاری رکھے گا۔
دوسرے کوارٹر فائنل میں واپڈا نے پی اے ایف کے خلاف سخت مقابلے کے بعد 1-0 سے فتح حاصل کی۔ فیصلہ کن گول شائق دوست نے 9ویں منٹ میں کیا واپڈا کے ہیڈ کوچ محمد حبیب نے کہا کے ہم اتنے عرصے سے مقابلوں کا انتظار کر رہے تھےدونوں ٹیموں نے بہت اچھا کھیلا۔
سیمی فائنل میں پاکستان آرمی کا مقابلہ واپڈا سے ہوگا جبکہ ایس اے گارڈنز کا مقابلہ ایچ ای سی سے ہوگا۔ دونوں سیمی فائنلز 10 مئی کو اسلام آباد کے جناح فٹبال اسٹیڈیم میں ہوں گے۔
