MCC's important clarification on Salman Ali Agha's controversial run-out-AFP
ڈھاکا کے شیرِ بنگلا نیشنل کرکٹ اسٹیڈیم میں پاکستان اور بنگلہ دیش کرکٹ ٹیم کے درمیان کھیلے گئے دوسرے ون ڈے میچ میں سلمان علی آغا کے متنازع رن آؤٹ پر میلبرن کرکٹ کلب نے وضاحتی بیان جاری کر دیا۔
ایم سی سی کے مطابق سلمان علی آغا قوانین کے تحت واضح طور پر آؤٹ تھے کیونکہ وہ کریز سے باہر تھے اور گیند کھیل میں موجود تھی بیان میں کہا گیا کہ کسی بھی بیٹر کو فیلڈنگ سائیڈ کی اجازت کے بغیر گیند اٹھانے کی کوشش نہیں کرنی چاہیے، جبکہ کھلاڑیوں کے درمیان ٹکراؤ کی صورت میں بھی گیند خود بخود ڈیڈ نہیں ہوتی۔
مزید کہا گیا کہ اسپرٹ آف کرکٹ کے تحت مہدی حسن میراز اپیل واپس لے سکتے تھے، تاہم قوانین کے مطابق آن فیلڈ امپائرز کے پاس آؤٹ دینے کے علاوہ کوئی آپشن نہیں تھا۔
یاد رہے کہ اس واقعے پر سلمان علی آغا نے شدید ردعمل دیا تھا، جس پر انٹرنیشنل کرکٹ کونسل نے انہیں ایک ڈی میرٹ پوائنٹ اور میچ فیس کا 50 فیصد جرمانہ عائد کیا۔
