Jos Buttler's feat: New world record for 122-meter high catch-X
انگلینڈ کے وکٹ کیپر بیٹر جوز بٹلر نے ایک منفرد چیلنج میں تاریخ کا بلند ترین کیچ پکڑ کر نیا عالمی ریکارڈ قائم کر دیا یہ کارنامہ سابق انگلش کپتان کیون پیٹرسن کی موجودگی میں انجام دیا گیا، جہاں ڈرون کے ذریعے تقریباً 122 میٹر کی بلندی سے گیند گرائی گئی۔
بٹلر نے غیر معمولی مہارت اور توجہ کا مظاہرہ کرتے ہوئے کامیابی سے کیچ مکمل کیا اور یوں آسٹریلوی وکٹ کیپر ٹموتھی شینن جیبیسیلن کا 119.86 میٹر کا سابقہ عالمی ریکارڈ توڑ دیا۔
کیچ مکمل ہونے کے بعد بٹلر اور پیٹرسن نے ایک دوسرے کو گلے لگا کر خوشی کا اظہار کیا جبکہ اس تاریخی لمحے کی ویڈیو سوشل میڈیا پر تیزی سے وائرل ہو گئی۔
ادھر جاری آئی سی سی ٹی ٹوئنٹی ورلڈ کپ میں انگلینڈ کو ویسٹ انڈیز کے خلاف ممبئی کے وانکھیڈے اسٹیڈیم میں 30 رنز سے شکست کا سامنا کرنا پڑا تھا، جبکہ پہلے میچ میں نیپال کے خلاف 4 رنز سے کامیابی حاصل کی تھی۔
انگلینڈ اب 14 فروری کو اسکاٹ لینڈ اور 16 فروری کو اٹلی کے خلاف گروپ مرحلے کے آخری میچز میں میدان میں اترے گا۔
