جے شاہ ایشین کرکٹ کونسل کے عہدہ صدارت پر فائز
اردو انٹر نیشنل (لاہور) تفصیلات کے مطابق ، آئی سی سی کا سالانہ اجلاس انڈونیشیا کے مقام بالی میں منعقد ہوا جس میں ایشین کرکٹ کونسل کی صدارت کا فیصلہ کیا گیا۔جے شاہ جو رواں سال ایشین کرکٹ کونسل کے صدر ہیں، کو ایک بار پھر اومان، بنگلا دیش اور افغانستان کی حمایت کی وجہ سے دوبارہ صدر منتخب کرلیا گیا،اب وہ مزید ایک سال کے لیے ایشین کرکٹ کونسل کی قیادت کریں گے جبکہ پاکستان کرکٹ بورڈ اگلے سال ایشین کرکٹ کونسل کی سربراہی کرے گا۔
اومان، بنگلا دیش اور افغانستان نے جے شاہ، کی حمایت کی جس کی وجہ سے بھارتی امیدوار جے شاہ کو ایشین کرکٹ کونسل کا صدرنامزد کر دیا گیا۔ذرائع کے مطابق ایشین کرکٹ کونسل کی چیئرمین شپ ، اس کے ارکان کے درمیان معمول کی بنیاد پرچلتی ہے۔ بنگلہ دیش کے بعد سری لنکا کی باری تھی.
اب کی بار ، پھر سالانہ جنرل کونسل اجلاس میں سری لنکا نے جے شاہ کی مدت ملازمت میں توسیع کی درخواست کی جسے رکن ممالک نے قبول کر لیا، یاد رہے اس بار سری لنکا کرکٹ بورڈ کی چیئرمین شپ کی باری تھی.
جے شاہ دوسری بار ایشین کرکٹ کونسل کے صدارتی عہدے پر فائز ہو گئے.
