ہانگ کانگ سکسز: پاکستان نے بھارت کو ہرا کر کوارٹر فائنل کے لیے کوالیفائی کرلیا

ہانگ کانگ سکسز: پاکستان نے بھارت کو ہرا کر کوارٹر فائنل کے لیے کوالیفائی کرلیا

اردوانٹرنیشنل(اسپورٹس ڈیسک) تفصیلات کے مطابق جمعہ کو ٹن کونگ روڈ کرکٹ گراؤنڈ میں جاری ہانگ کانگ کرکٹ سکسز ٹورنامنٹ میں آصف علی نے شاندار نصف سنچری بنا کر پاکستان کو بھارت کے خلاف فتح دلائی۔

پاکستان نے بغیر کوئی وکٹ کھوئے 120 رنز کے ہدف کا کامیابی سے تعاقب کیا اور گروپ سی میں سرفہرست رہنے کے بعد کوارٹر فائنل کے لیے کوالیفائی کرلیا۔

آصف علی نے 14 گیندوں پر 55 رنز کی طوفانی اننگز کھیلی جس میں 2 چوکے اور 7 چھکے شامل تھے ان کے اوپننگ پارٹنر محمد اخلاق نے 3 چوکوں اور 4 چھکوں کی مدد سے 12 گیندوں پر 40 رنز بنائے۔

پاکستان کے کپتان فہیم اشرف نے آصف کے ریٹائر ہونے کے بعد اخلاق کے ساتھ شمولیت اختیار کی اور 5 گیندوں پر 22 رنز بنا کر اپنی ٹیم کو بھارت کے خلاف فتح تک پہنچا دیا۔

اس سے قبل دن میں پاکستان نے متحدہ عرب امارات (یو اے ای) کو 129 رنز کا ہدف دینے کے بعد 13 رنز سے شکست دی۔

آصف علی اور محمد اخلاق دونوں نے نصف سنچریاں اسکور کیں تاکہ پاکستان کو بغیر کوئی وکٹ کھوئے ایک شاندار اسکور بنانے میں مدد ملے۔

اخلاق نے 15 گیندوں پر 52 رنز بنائے جبکہ آصف نے 7 چھکوں کی مدد سے 14 گیندوں پر 50 رنز بنائے ۔

ہدف (128) کا دفاع کرتے ہوئے پاکستان نے متحدہ عرب امارات کو 115 رنز پر ڈھیر کر دیا کیونکہ آصف علی اور عامر یامین نے2 وکٹ حاصل کیں۔

واضح رہے کہ انتہائی متوقع ٹورنامنٹ میں کل 12 ٹیمیں حصہ لے رہی ہیں، جو 6 سال کے وقفے کے بعد واپسی کر رہا ہے یہ ٹورنامنٹ یکم سے 3 نومبر 2024 تک جاری رہے گا۔

میزبان ہانگ کانگ کے ساتھ نیوزی لینڈ اور سابق چیمپئن جنوبی افریقہ کو گروپ اے میں رکھا گیا ہے جبکہ گروپ بی میں آسٹریلیا، انگلینڈ اور نیپال شامل ہیں۔