Thursday, July 18, 2024
Top Newsالیکشن کمیشن آف پاکستان میں اعلیٰ سطحی تقرریاں اور تبادلے کردیے گئے

الیکشن کمیشن آف پاکستان میں اعلیٰ سطحی تقرریاں اور تبادلے کردیے گئے

الیکشن کمیشن آف پاکستان میں اعلیٰ سطحی تقرریاں اور تبادلے کردیے گئے

اردو انٹرنیشنل (مانیٹرنگ ڈیسک) الیکشن کمیشن آف پاکستان میں اعلیٰ سطحی تقرریاں اور تبادلے کردیے گئے۔ اعلامیہ الیکشن کمیشن کے مطابق صوبائی الیکشن کمشنر پنجاب سعید گل کا تبادلہ کردیا گیا، سعید گل کو ڈی جی الیکشن سیل ای سی پی اسلام آباد تعینات کردیا گیا، الیکشن کمشنر بلوچستان اعجاز انور چوہان کو تبدیل کرکے صوبائی الیکشن کمشنر پنجاب تعینات کردیا گیا۔

محمد فرید آفریدی کو نیا صوبائی الیکشن کمشنر بلوچستان تعینات کردیا گیا ہے۔محمد فرید آفریدی الیکشن کمیشن میں بطور ڈی جی الیکشنزتعینات تھے۔ مزید برآں اعلامیہ الیکشن کمیشن کے مطابق نشان الاٹ ہونے کے بعد مختلف فورمز سے انتخابی نشان تبدیل کئے جارہے ہیں، نشانات الاٹمنٹ کے بعد پرنٹنگ کارپوریشنز کو پیپرز کی چھپائی کا آرڈر دیا جاچکا ہے۔

اعلامیہ میں کہا گیا ہے کہ انتخابی نشانات کی تبدیلی کا عمل جاری رہا تو الیکشن میں تاخیر کا خدشہ پیدا ہوگا۔ اعلامیہ کے مطابق الیکشن کمیشن نے ملک بھر میں بیلٹ پیپرز کی طباعت شروع کردی ہے، طباعت کا کام گزشتہ کل سے شروع ہوچکا ہے۔

واضح رہے کہ الیکشن کمیشن انتخابی نشانات کی الاٹمنٹ کے بعد تینوں پرنٹنگ کارپوریشنز کو بیلٹ پیپرز کی چھپائی کا آرڈر دے چکا ہے اور پرنٹنگ کا کام شروع ہو گیا ہے،اگر اسی طرح انتخابی نشانات کی تبدیلی کا عمل جاری رہا تو اس سے ایک طرف تو الیکشن میں تاخیر کا خدشہ پیدا گیا ہے کیونکہ بیلٹ پیپر دوبارہ پرنٹ کرانا پڑیں گے جس کے لئے پہلے ہی وقت محدود ہے اور دوسری طرف جو سپیشل کاغذ بیلٹ پیپر ز کے لئے مہیا ہے، وہ بھی ضائع ہو جائے گا۔

دیگر خبریں

Trending

daily khabrain

پولز سے پتا چلتا ہےکہ آپ الیکشن نہیں جیت سکتے،نینسی پلوسی...

0
پولز سے پتا چلتا ہےکہ آپ الیکشن نہیں جیت سکتے،نینسی پلوسی کی بائیڈن سے مبینہ کال گفتگو اردو انٹرنیشنل (مانیٹرنگ ڈیسک) امریکی میڈیا...