Gary Kirsten will join the Pakistan cricket team before the tour of England
اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ ٹیم کے وائٹ بال کے ہیڈ کوچ گیری کرسٹن 19 مئی کو لیڈز میں انگلینڈ کے خلاف گرین شرٹس کی چار میچوں کی ٹی ٹوئنٹی سیریز سے قبل ٹیم کو جوائن کرنے والے ہیں جو 22 مئی سے شروع ہوگی۔
کرسٹن، جنہوں نے بھارت کے ساتھ 2011 کا ورلڈ کپ جیتا تھا ان کو دو سال کے معاہدے پر مقرر کیا گیا تھا اور وہ آئندہ ٹی ٹوئنٹی ورلڈ کپ 2024، اگلے سال پاکستان میں ہونے والی آئی سی سی چیمپئنز ٹرافی 2025، اور ایشیا کپ 2025 کے لیے ٹیم کے انچارج ہوں گے۔
انگلینڈ کے خلاف سیریز آئندہ ٹی ٹوئنٹی ورلڈ کپ 2024 کے آغاز سے قبل پاکستان کی آخری سیریز ہوگی جو یکم جون سے امریکہ اور ویسٹ انڈیز میں کھیلا جائے گا۔
پی سی بی نے پیر کو ایک پریس ریلیز میں تصدیق کی کہ گیری کرسٹن 19 مئی کو لیڈز میں قومی مردوں کی ٹیم میں شامل ہوں گے تاکہ وہ وائٹ بال کے ہیڈ کوچ کے طور پر اپنے دو سالہ دور کا آغاز کریں۔
کرسٹن کے ساتھ ساتھ پی سی بی نے سائمن ہیلمٹ اور ڈیوڈ ریڈ کو بالترتیب فیلڈنگ اور ذہنی کارکردگی کا کوچ مقرر کیا ہے۔
ریڈ 20 مئی کو ٹیم کو جوائن کریں گے اور ٹی ٹوئنٹی ورلڈ کپ 2024 کے اختتام تک ان کے ساتھ رہیں گےدوسری جانب ہیلمٹ میگا ایونٹ شروع ہونے سے قبل 31 مئی کو ٹیم کو جوائن کریں گے۔
دورہ انگلینڈ کے بعد پاکستان آئندہ ٹی ٹوئنٹی ورلڈ کپ میں شرکت کے لیے امریکہ روانہ ہو گا جہاں اسے روایتی حریف بھارت، کینیڈا، امریکہ اور آئرلینڈ کے ساتھ گروپ اے میں رکھا گیا ہے۔
