فردوس عاشق اعوان نے پولیس اہلکار کو تھپڑ مارنے کے کیس میں تحریری طور پر معافی مانگ لی
اردو انٹرنینشل ( مانیٹرنگ ڈیسک ) تفصیلات کے مطابق رہنما استحکام پاکستان پارٹی فردوس عاشق اعوان نے پولیس اہلکار کو تھپڑ مارنے کے حوالے سے تحریری طور پر معافی مانگ لی۔
الیکشن کمیشن آف پاکستان میں فردوس عاشق عوان کے خلاف پولیس اہلکار کو تھپڑ مارنے کے کیس پر ممبر الیکشن کمیشن سندھ نثار درانی کی سربراہی میں دو رکنی بینچ نے سماعت کی۔
فردوس عاشق اعوان اور پولیس اہلکار دونوں نے تحریری جواب الیکشن کمیشن میں جمع کروائے ۔
واضح رہے فردوس عاشق اعوان نے 8 فروری کو این اے 70 سیالکوٹ کے پولنگ اسٹیشن گورنمنٹ ہائی اسکول گنہ کلاں میں ڈیوٹی پر معمور پولیس اہلکار کو تھپڑ مارا تھا، جس کی ویڈیو سوشل میڈیا پر وائرل ہو گئی تھی۔
سماعت کے بعد میڈیا سے گفتگو کرتے ہوئے فردوس عاشق اعوان نے کہا کہ جو واقعہ ہوا وہ افسوس ناک تھا, الیکشن کمیشن سےدرخواست کی ہے کہ تھپڑ مارنے سے پہلے اور بعد کے حالات کا بھی جائزہ لیا جائے۔