Finn Allen sets record for fastest century in T20 World Cup-AFP
ایلن نے تاریخ رقم کرتے ہوئے صرف 33 گیندوں پر ناقابلِ شکست 100 رنز بنا کر ٹی ٹوئنٹی ورلڈ کپ کی تیز ترین سنچری کا ریکارڈ قائم کر دیا نیوزی لینڈ نے جنوبی افریقا کو 9 وکٹ سے شکست دے کر فائنل کےلیے کوالیفائی کرلیا ہے۔
میچ کے دوران ایسا محسوس ہو رہا تھا جیسے ایلن ایک واضح مشن کے ساتھ میدان میں اترے ہوں انہوں نے جنوبی افریقہ کے تجربہ کار باؤلرز کے خلاف انتہائی پراعتماد انداز میں بیٹنگ کی اور کسی بھی مرحلے پر دباؤ کو خود پر حاوی نہیں ہونے دیا۔
اس شاندار کارکردگی کے بعد فن ایلن ٹی ٹوئنٹی ورلڈ کپ کے مجموعی ٹاپ اسکوررز کی فہرست میں پاکستان کے بلے باز صاحبزادہ فرحان کے قریب پہنچ گئے ہیں، تاہم وہ اب بھی ان سے 94 رنز پیچھے ہیں۔
دوسری جانب نیوزی لینڈ کے وکٹ کیپر بیٹر ٹم سیفرٹ بھی ٹاپ فائیو بیٹرز کی فہرست میں واپس آ چکے ہیں مگر وہ صاحبزادہ فرحان سے 109 رنز کے فاصلے پر ہیں۔
دلچسپ بات یہ ہے کہ اگر پاکستان کا سپر ایٹ مرحلے کا ایک میچ بارش کے باعث منسوخ نہ ہوتا تو امکان تھا کہ صاحبزادہ فرحان اسی ورلڈ کپ میں اپنی مجموعی انفرادی رنز کی تعداد کو مزید ناقابلِ تسخیر بنا دیتے۔
