وفاقی حکومت کا فرسٹ ویمن بینک متحدہ عرب امارت کو فروخت کرنے کا فیصلہ
وفاقی حکومت کی جانب سےفرسٹ ویمن بینک متحدہ عرب امارت کی حکومت کو فروخت کرنے کا فیصلہ کرلیا گیا، متحدہ عرب امارات کو فرسٹ ویمن بینک بین الحکومتی بنیادپر براہ راست فروخت کیا جائے گا۔
تفصیلات کے مطابق وفاقی حکومت نے فرسٹ ویمن بینک متحدہ عرب امارت کی حکومت کو فروخت کرنے کا فیصلہ کرلیا۔
متحدہ عرب امارات کی رضامندی ملنے پر فرسٹ ویمن بینک کے 82 فیصد شیئرز فروخت کرنے کا فیصلہ کیا گیا ، متحدہ عرب امارات کوفرسٹ ویمن بینک بین الحکومتی بنیادپر براہ راست فروخت کیا جائے گا۔
فروخت کے بعد اسٹیٹ بینک فرسٹ وومن بینک کو نیا لائسنس جاری کرے گا،قیمت طے کرنے اور معاہدہ کو حتمی شکل دینے کیلئے 8 رکنی کابینہ کمیٹی قائم کرنے کا فیصلہ کیا گیا ہے۔کابینہ کمیٹی کا اہم اجلاس آج طلب کرلیاگیا ہے ، اجلاس میں اہم فیصلوں کی منظوری دی جائیگی۔
نجکاری کے بعد خواتین کو مالی سپورٹ فراہم کرنا بینک کی اولین ذمہ داری ہوگی،2015 سے فرسٹ وومن بینک کی نجکاری کی کوششیں جاری تھیں۔