نہیں چاہتے کہ پاکستان کے ساتھ تعلقات خراب ہوں،ترجمان افغان حکومت
افغان عبوری حکومت کے ترجمان ذبیح اللّٰہ مجاہد کا کہنا ہے کہ ہم پاکستان کے ساتھ تعلقات خراب نہیں کرنا چاہتے اور نہ ہی پاکستان کے خلاف کوئی اقدام کرنا چاہتے ہیں.
اپنے ایک بیان میں ذبیح اللّٰہ مجاہد نے کہا کہ مولانا فضل الرحمٰن کو پاکستان، پاکستانی عوام سے متعلق امارت اسلامیہ کے مؤقف سے آگاہی کے لیے دعوت دی ہے۔
انہوں نے مزید کہا کہ مولانا فضل الرحمٰن افغانستان سے جا کر پاکستانی عوام کو بتائیں کہ ہم پاکستان میں بدامنی نہیں چاہتے۔
ذبیح اللّٰہ مجاہد کا یہ بھی کہنا ہے کہ اس سے متعلق مولانا فضل الرحمٰن بہتر کردار ادا کر سکتے ہیں۔
