کرسٹیانو رونالڈو نے النصر کلب کو سعودی پرو لیگ کا پہلا ٹائٹل جتوا دیا

سعودی پرو لیگ کے فیصلہ کن مرحلے میں کرسٹیانو رونالڈو کی شاندار کارکردگی کی بدولت النصر نے داماک کو 1-4 سے شکست دے کر 2019 کے بعد پہلی بار لیگ ٹائٹل اپنے نام کرلیا۔ النصر نے سیزن کا اختتام 86 پوائنٹس کے ساتھ کیا اور اپنے روایتی حریف الہلال کو دو پوائنٹس سے پیچھے چھوڑ دیا۔

یہ رونالڈو کے کیریئر کا پہلا سعودی پرو لیگ ٹائٹل بھی ہے۔

میچ میں پہلا گول 34ویں منٹ میں سادیو مانے نے جواو فیلکس کے کارنر پر شاندار ہیڈر کے ذریعے اسکور کیا دوسرے ہاف میں کنگزلے کومان نے خوبصورت انفرادی کوشش سے برتری دگنی کردی داماک نے پنالٹی پر ایک گول واپس کیا، تاہم رونالڈو نے دلکش فری کک کے ذریعے النصر کی گرفت مزید مضبوط بنادی۔

81ویں منٹ میں رونالڈو نے اپنا دوسرا اور ٹیم کا چوتھا گول اسکور کرکے فتح کو یقینی بنایا میچ کے اختتام پر جذباتی مناظر دیکھنے میں آئے جب رونالڈو خوشی سے آبدیدہ ہوگئے۔