چیئرمین پی سی بی نے سرفراز احمد کو لاہور طلب کر لیا

چیئرمین پی سی بی نے سرفراز احمد کو لاہور طلب کر لیا

اردو انٹرنیشنل (اسپورٹس ڈیسک) ذرائع کے مطابق پاکستان کرکٹ بورڈ (پی سی بی) کے چیئرمین محسن نقوی نے سابق کپتان سرفراز احمد کو ملاقات کے لیے لاہور طلب کر لیا ہے۔

قومی مینز کرکٹ ٹیم کے جاری مسائل پر بات چیت کے لیے وکٹ کیپر بلے باز چیئرمین سے ملاقات کریں گے۔

قابل ذکر بات یہ ہے کہ نقوی نے حال ہی میں شیئر کیا تھا کہ وائٹ بال کے کپتان بابر اعظم کے مستقبل کا فیصلہ سابق کھلاڑی کریں گے۔

پی سی بی کے سربراہ نے کہا کہ بابر اعظم سے متعلق ابھی تک کوئی فیصلہ نہیں کیا گیا انہوں نے مزید کہا کہ وہ سابق کرکٹرز سے مشورہ لے رہے ہیں کہ پاکستان میں کرکٹ کو کیسے بہتر بنایا جائے۔

انہوں نے مزید کہا کہ میں صرف ان سابق کرکٹرز سے بات کر رہا ہوں جو پاکستان کرکٹ کی بہتری میں دلچسپی رکھتے ہیں۔

چیئرمین پی سی بی نے یہ بھی بتایا کہ انہوں نے ہیڈ کوچ گیری کرسٹن اور اسسٹنٹ کوچ اظہر محمود کو میگا ایونٹ میں پاکستانی ٹیم کی کارکردگی پر بات چیت کے لیے بلایاہے.

گرین شرٹس کی اگلی اسائنمنٹ بنگلہ دیش کے خلاف دو میچوں کی ہوم ٹیسٹ سیریز ہے اور توقع ہے کہ سرفراز احمد اس سیریز کا حصہ ہوں گے۔