Australian team arrives in Islamabad for 3-match ODI series against Pakistan-X
پاکستان اور آسٹریلیا کے درمیان شیڈول ون ڈے سیریز کے لیے آسٹریلوی ٹیم کا پہلا گروپ اسلام آباد پہنچ گیا، جہاں مہمان کھلاڑیوں کا پرتپاک استقبال کیا گیا۔
دوسرا گروپ کل وفاقی دارالحکومت پہنچے گا، جس کے بعد دونوں ٹیمیں مشترکہ پریکٹس سیشنز کا آغاز کریں گی سیریز کا پہلا ون ڈے 30 مئی کو راولپنڈی کرکٹ اسٹیڈیم میں کھیلا جائے گا جبکہ دوسرا اور تیسرا میچ بالترتیب 2 اور 4 جون کو ہوگا۔
دوسری جانب پاکستان کرکٹ بورڈ نے سیریز کے لیے قومی اسکواڈ کا اعلان کردیا ہے شاہین شاہ آفریدی ٹیم کی قیادت کریں گے جبکہ سلمان علی آغا نائب کپتان ہوں گے۔
بابر اعظم، نسیم شاہ، حارث رؤف، شاداب خان اور سفیان مقیم کی ٹیم میں واپسی ہوئی ہے، جبکہ محمد رضوان اسکواڈ کا حصہ نہیں ہیں۔ انجری کے باعث فخر زمان اور صائم ایوب بھی دستیاب نہیں ہوں گے۔
پی سی بی نے تین نئے کھلاڑیوں احمد دانیال، عرفات منہاس اور روحیل نذیر کو بھی اسکواڈ میں شامل کیا ہے۔
