بھارت کا ایک اور اعزاز، ٹی ٹوئنٹی ورلڈ کپ میں نیا عالمی ریکارڈ قائم

بھارت نے فائنل میں نیوزی لینڈ کو شکست دے کر ٹی ٹوئنٹی ورلڈ کپ کا تیسری مرتبہ ٹائٹل اپنے نام کر لیا اور کرکٹ کی تاریخ میں نیا باب رقم کر دیا۔

اس کامیابی کے ساتھ بھارت ٹی ٹوئنٹی ورلڈ کپ کی تاریخ میں سب سے زیادہ تین مرتبہ ٹائٹل جیتنے والی پہلی ٹیم بن گئی ہے بھارتی ٹیم اس سے قبل 2007 اور 2024 میں بھی یہ اعزاز حاصل کر چکی تھی۔

مزید برآں بھارت مسلسل دو مرتبہ ٹی ٹوئنٹی ورلڈ کپ جیتنے والی پہلی ٹیم بھی بن گیا ہے، جس نے اپنے اعزاز کا کامیابی سے دفاع کرتے ہوئے نیا ریکارڈ قائم کیا۔

فائنل میں بھارتی کھلاڑیوں نے بیٹنگ اور بولنگ دونوں شعبوں میں شاندار کارکردگی کا مظاہرہ کیا اور نیوزی لینڈ کو یکطرفہ مقابلے کے بعد شکست دے کر ٹائٹل اپنے نام کیا۔

اس تاریخی فتح کے ساتھ بھارت اپنے ہی میدانوں پر ٹی ٹوئنٹی ورلڈ کپ جیتنے والی پہلی میزبان ٹیم بھی بن گیا ہے۔