Another achievement of Muhammad Rashid who made the most world records in the history of the country
اردو انٹرنیشنل (اسپورٹس ویب ڈیسک) تصیلات کے مطابق پاکستانی مارشل آرٹسٹ راشد نسیم نے چایئنیز مارشل آرٹس ماسٹر کا نن چکو کیٹیگری کا ریکارڈ توڑ دیا ۔
پاکستان کی تاریخ میں سب سے زیادہ عالمی ریکارڈ بنانے والے محمد راشد نے نن چکو مقابلوں میں پانچویں بار فتح حآصل کی جس کی تفصیلات گنیز ورلڈ ریکارڈ نے اپنی ویب سائٹ پر جاری کر دی ہیں۔
چین کے ماسٹر شی ڈیشانگ نے ایک منٹ میں نن چکو سے 74 غبارے پھاڑنے کا عالمی ریکارڈ بنایا تھا، راشد نسیم نے یہ ریکارڈ نن چکو کی مدد سے ایک منٹ میں 80 غبارے پھاڑ کر توڑ دیا۔
راشد نسیم کا گنیز ورلڈ ریکارڈ کو بھیجا جانے والا 122 واں ریکارڈ منظور کرلیا ، راشد نسیم کو گنیز ورلڈ ریکارڈ کی جانب سے سرٹیفکیٹ بھی موصول ہوگیا جس کو انہوں نے فوٹو اینڈ ویڈیو شیئرنگ ایپ انسٹاگرام پر مداحوں کے ساتھ شیئر کیا ۔ پاکستانی مارشل آرٹسٹ نے ورلڈ ریکارڈ فلسطین کے نام کر دیئے ۔
