AFC Asian Cup 2027: Qualifiers draws announced
اردو انٹرنیشنل (اسپورٹس ویب ڈیسک) تفصیلات کے مطابق اے ایف سی ایشئن کپ سعودی عرب 2027 کوالیفائرز کے ڈراز کا اعلان کردیا گیا۔ ڈراز کا اعلان اے ایف سی ہیڈ آفس کوالالمپور میں ہوا۔ اے ایف سی ایشئن کپ کے لیے کل 24 ٹیموں کو 6 گروپوں میں تقسیم کیا گیا۔
پاکستان فٹبال ٹیم گروپ ای میں شامل ہے اور قومی ٹیم ، شام، افغانستان اور میانمار سے ہوم اینڈ اوے کی بنیاد پر چھ میچز کھیلے گی۔
پاکستان اپنا پہلا آوے میچ 25 مارچ کو شام میں کھیلے گا، قومی ٹیم کا دوسرا میچ ہوم گراونڈ میں 10 جون کو میانمار کیخلاف شیڈول ہے اور دوسرا ہوم میچ 9 اکتوبر کو افغانستان کیخلاف کھیلے گی جبکہ دوسرا آوے میچ 14 اکتوبر کو افغانستان میں شیڈول کیا گیا ہے۔
گرین شرٹس 18 نومبر کو شام کیخلاف تیسرا اور آخری ہوم میچ کھیلے گی۔ 31 مارچ 2026 کو میانمار کیخلاف قومی فٹبال ٹیم کا آخری آوے میچ شیڈول کیا گیا ہے۔
یاد رہے ،شام فیفا کی عالمی ریکنگ میں 98، افغانستان 155، میانمار 167 جبکہ پاکستان 198 پر ہے۔
