کپتان بابر اعظم کی انگلش کا مذاق اڑانے والے بھارتی کو اے بی ڈیویلئیرز کا کرارا جواب

اردو انٹرنیشنل (اسپورٹس ڈیسک) تفصیلات کے مطابق پاکستان کے پہلے میچ سے قبلاے بی ڈی ویلیئرز نے اپنے یوٹیوب چینل پر کچھ معروف کرکٹرز کا انٹرویو کیا جس میں بابر اعظم بھی شامل تھے۔

انٹرویو کے دوران بابر نے اپنے کیرئیر سمیت اے بی ڈیویلئیرز کے کئی سوالات کے جواب دیے۔

یوٹیوب پر پوسٹ کی گئی ویڈیو پر ایک بھارتی صارف نے بابر اعظم کی جانب سے بولی جانے والی انگریزی زبان کا مذاق اڑایا۔

ریتھیک گوروو نامی صارف نے کمنٹ کیا ‘اے بی بابر اعظم کی انگلش سننے کے بعد بمشکل ہی اپنی ہنسی قابو کر پارہے ہیں’۔

بابر کی انگلش کا مذاق اڑانے والے بھارتی کو اے بی ڈیویلئیرز نے کا کرارا جواب دیا

اے بی ڈیویلئیرز نے لکھا کہ’بابر کی انگریزی واضح طور پر میری اردو سے بہتر ہے جب کہ ان کی بیٹنگ کی صلاحیت شاندار ہے اور میں سمجھتا ہوں کہ ان کی بیٹنگ کی صلاحیت زیادہ اہم ہے’۔