پیرس سینٹ جرمین، کے اسٹرائیکر کائلان ایمباپے نے فرانسیسی کپ میں چھٹے درجے کی ٹیم امیچرز ریول کے خلاف 9-0 کی بڑی جیت میں تین گول داغے ۔ 25 سالہ ایمباپے،نے 16 ویں منٹ میں اپنے پہلے گول سے آغاز کیا اور ہاف ٹائم سے قبل دوسرا گول کر دیا۔ ان گولوں کے ساتھ، وہ پی ۔ ایس ۔جی کے کپ میں ٹاپ اسکورر بن گئے ہیں ۔ پہلے ہاف میں مارکو ایسینیسو ، کی سٹرائیک اور ریول کے ایک کھلاڑی کے اپنے ہی گول نے ہاف ٹائم میں اسکور 4-0 کر دیا۔
ایمباپے نے 48 ویں منٹ میں اپنی ہیٹ ٹرک مکمل کی، مزید گول گونکالو راموس، 19 سالہ چیر اینڈور اور رینڈل کولو میوانی نے دو گول کیے۔ ایمباپے، جو فرانسیسی قومی ٹیم کے کپتان اور پیرس سینٹ جرمین کے سب سے زیادہ گول اسکورر ہیں، اب تک فرانسیسی کپ کے 22 میچز میں کل 30 گول کر چکے ہیں۔ یہ کھیل کاسٹریس کے اسٹیڈم پیئر فیبرے میں کھیلا گیا، ریول کا اسٹیڈیم، ہاؤٹےگارونے، کے جنوب مغربی علاقے میں تقریباً 20 میل کے فاصلے پر واقع ہے جس میں صرف شائقین کی گنجائش ہے۔
