آئی سی سی ویمن ٹی ٹوئنٹی ورلڈکپ کے اہم گروپ میچ میں آسٹریلیا ویمن نے بھارت ویمن کو 6 وکٹوں سے شکست دے کر سیمی فائنل کے لیے کوالیفائی کر لیا، جبکہ بھارتی ٹیم ایونٹ سے باہر ہوگئی۔
بھارت نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 174 رنز بنائے، کپتان ہرمن پریت کور نے 56 جبکہ سمرتی مندانا نے 38 رنز اسکور کیے۔
جواب میں آسٹریلیا نے شاندار بیٹنگ کا مظاہرہ کرتے ہوئے مطلوبہ ہدف 4 وکٹوں کے نقصان پر حاصل کرلیا ایلیسے پیری نے 56 اور ایشلے گارڈنر نے ناقابلِ شکست 54 رنز بنا کر ٹیم کی فتح میں اہم کردار ادا کیا۔
اس کامیابی کے ساتھ آسٹریلیا نے سیمی فائنل میں جگہ پکی کر لی، جبکہ بھارت کا ٹورنامنٹ کا سفر اختتام پذیر ہوگیا۔
