2 Sri Lanka Under-19 cricketers arrested in alleged video scandal-AFP
کولمبو: سری لنکا کے دو انڈر 19 کرکٹرز کو ہوٹل کے باتھ روم میں مبینہ طور پر ویڈیو بنانے کے الزام میں گرفتار کر لیا گیا۔
کرکٹ ویب سائٹ کے مطابق دونوں کھلاڑی کولمبو کے ایک ہوٹل میں ٹیم کے ہمراہ مقیم تھے کہ ایک خاتون نے الزام عائد کیا کہ ان کی باتھ روم میں موبائل فون کے ذریعے خفیہ ویڈیو بنائی گئی واقعے کے بعد پولیس نے فوری کارروائی کرتے ہوئے دونوں کرکٹرز کو حراست میں لے لیا۔
پولیس حکام کے مطابق تحقیقات جاری ہیں اور یہ بھی جانچا جا رہا ہے کہ آیا مبینہ ویڈیوز سوشل میڈیا پر اپ لوڈ کی گئی ہیں یا نہیں بعد ازاں دونوں کھلاڑیوں کو 5 لاکھ سری لنکن روپے کے مچلکوں کے عوض ذاتی ضمانت پر رہا کر دیا گیا۔
رپورٹس کے مطابق ملزمان کو 25 مئی کو دوبارہ عدالت میں پیش کیا جائے گا، جبکہ سری لنکا کرکٹ کی جانب سے تاحال کوئی باضابطہ تادیبی کارروائی سامنے نہیں آئی ہے۔
