We will do our best to bring the crowd to the PSL: Mohsin Naqvi-X
پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ پاکستان سپر لیگ 11 میں شائقین کی کم حاضری کے مسئلے پر وہ وزیراعظم شہباز شریف سے بات کریں گے اور کراؤڈ بڑھانے کی کوشش کی جائے گی۔
کراچی میں نیشنل بینک کرکٹ ایرینا میں میڈیا سے گفتگو کرتے ہوئے انہوں نے بتایا کہ فرنچائز نمائندگان سے ملاقات ہوئی ہے اور موجودہ حالات میں پی ایس ایل کا انعقاد خود ایک بڑی کامیابی ہے، جس کا کریڈٹ سیکیورٹی فورسز کو جاتا ہے۔
محسن نقوی نے کہا کہ شائقین کو اسٹیڈیم لانے کے لیے اقدامات کیے جائیں گے، جبکہ فرنچائزز کو گیٹ منی دی جائے گی اور اس کے اخراجات پی سی بی برداشت کرے گا۔
علاقائی صورتحال پر بات کرتے ہوئے انہوں نے کہا کہ پاکستان امن کے قیام کے لیے کردار ادا کر رہا ہے اور حکومت کی جانب سے بھی یہی کوششیں جاری ہیں۔
اس کے علاوہ انہوں نے واضح کیا کہ پاکستان میں پیٹرول کی کوئی قلت نہیں، جبکہ بھارت میں پیٹرول پمپس پر رش کی اطلاعات ہیں۔
کراچی اسٹیڈیم کی بہتری کے حوالے سے انہوں نے کہا کہ نیشنل بینک کرکٹ ایرینا کو ممکنہ طور پر گرا کر نئے سرے سے تعمیر کرنے پر غور کیا جا رہا ہے۔
آئی سی سی سے متعلق افواہوں پر انہوں نے کہا کہ ان پر پہلے ہی متعدد ذمہ داریاں ہیں۔
