PSL 11 ticket sales announced-PSL
پاکستان سپر لیگ (پی ایس ایل) کے 11ویں ایڈیشن کے ٹکٹ کی فروخت آج منگل سے شروع ہوگی، جس کے تحت شائقین نجی کوریئر سروس کی ویب سائٹ کے ذریعے آن لائن ٹکٹس خرید سکیں گے۔
ذرائع کے مطابق ٹکٹوں کی قیمتیں شہر کے حساب سے مختلف رکھی گئی ہیں۔ لاہور اور کراچی میں جنرل ٹکٹ 250 روپے، فیصل آباد میں 300 روپے جبکہ ملتان اور راولپنڈی میں 400 روپے سے شروع ہوں گے۔ شائقین ایک شناختی کارڈ پر زیادہ سے زیادہ 8 ٹکٹ خرید سکیں گے۔
پی ایس ایل 11 اس لحاظ سے منفرد ہوگا کہ پہلی بار میچز 6 مختلف وینیوز پر کھیلے جائیں گے، جبکہ دو نئی ٹیموں کی شمولیت کے بعد ایونٹ میں ٹیموں کی تعداد بڑھ کر 8 ہو گئی ہے۔
ٹورنامنٹ کا افتتاحی میچ 26 مارچ کو لاہور میں کھیلا جائے گا، جہاں دفاعی چیمپئن لاہور قلندرز کا مقابلہ حیدرآباد کنگز سے ہوگا۔
کرکٹ شائقین میں ایونٹ کے حوالے سے جوش و خروش عروج پر ہے اور ٹکٹوں کی فروخت شروع ہونے کا بے صبری سے انتظار کیا جا رہا ہے۔
