Mohsin Naqvi meets with selection committee, instructs to give complete free hand in selecting players-PCB
لاہور: محسن نقوی سے قومی کرکٹ ٹیم کی سلیکشن کمیٹی کے اراکین نے ملاقات کی جس میں قومی ٹیم کے انتخابی معاملات اور مستقبل کی حکمتِ عملی پر تبادلہ خیال کیا گیا۔
ملاقات کے دوران چیئرمین پاکستان کرکٹ بورڈ محسن نقوی نے سلیکشن کمیٹی کو مکمل فری ہینڈ استعمال کرنے کی ہدایت دیتے ہوئے کہا کہ کھلاڑیوں کے انتخاب میں کسی بھی قسم کے دباؤ کو خاطر میں نہ لایا جائے۔
انہوں نے سلیکشن کمیٹی کے اراکین پر زور دیا کہ وہ میرٹ اور شفافیت کو مدِنظر رکھتے ہوئے ایمانداری کے ساتھ اپنی ذمہ داریاں انجام دیں اور غیر ضروری تنقید کی پرواہ نہ کریں محسن نقوی کا کہنا تھا کہ بورڈ کی مکمل حمایت سلیکشن کمیٹی کے ساتھ ہے تاکہ قومی ٹیم کو مضبوط اور متوازن بنایا جا سکے۔
اس موقع پر سلیکشن کمیٹی کے اراکین مصباح الحق، سرفراز احمد، اسد شفیق اور عاقب جاوید نے اعتماد کے اظہار پر چیئرمین پی سی بی کا شکریہ ادا کیا اور یقین دلایا کہ وہ میرٹ پر مبنی فیصلے کرتے ہوئے قومی ٹیم کے لیے بہترین کھلاڑیوں کا انتخاب کریں گے۔
