India beat England in a thrilling match to reach the final of the T20 World Cup.-AFP
آئی سی سی ٹی ٹوئنٹی ورلڈکپ 2026 کے دوسرے سیمی فائنل میں بھارت نے سنسنی خیز مقابلے کے بعد انگلینڈ کو 7 رنز سے شکست دے کر مسلسل دوسری مرتبہ فائنل میں جگہ بنا لی۔
ممبئی کے وانکھڈے اسٹیڈیم میں کھیلے گئے میچ میں انگلینڈ نے ٹاس جیت کر بھارت کو پہلے بیٹنگ کی دعوت دی دفاعی چیمپئن بھارت نے مقررہ 20 اوورز میں 7 وکٹوں کے نقصان پر 253 رنز بنائے۔
بھارت کی جانب سے سنجو سیمسن نے 42 گیندوں پر شاندار 89 رنز کی اننگز کھیلی جبکہ شوم دوبے نے 43، ایشان کشن نے 39 اور ہاردیک پانڈیا نے 27 رنز بنائے۔
انگلینڈ کے عادل رشید اور ول جیکس نے دو، دو وکٹیں حاصل کیں۔
مشکل ہدف 254 رنزکے تعاقب میں انگلینڈ کے جیکب بیتھیل نے شاندار 105 رنز بنا کر ٹیم کو فتح کے قریب پہنچایا، تاہم وہ آخری اوور میں آؤٹ ہوگئے ول جیکس 35 اور جوز بٹلر 25 رنز بنا سکے۔
بھارت کی جانب سے ہاردیک پانڈیا نے دو جبکہ جسپریت بمراہ، ارشدیپ سنگھ، ورون چکرورتھی اور اکشر پٹیل نے ایک، ایک وکٹ حاصل کی۔
دوسرے سیمی فائنل کی جیت کے ساتھ بھارت مسلسل دوسری بار ٹی ٹوئنٹی ورلڈکپ کے فائنل میں پہنچ گیا ہے ایونٹ کا فائنل 8 مارچ کو احمدآباد کے نریندر مودی اسٹیڈیم میں بھارت اور نیوزی لینڈ کے درمیان کھیلا جائے گا۔
