Iran hints at withdrawal from 2026 FIFA World Cup after US airstrikes-X
امریکی فضائی حملوں کے بعد ایران نے فیفا ورلڈ کپ 2026 سے دستبردار ہونے کا عندیہ دے دیا ہے ایران نے ایشیائی کوالیفائنگ مرحلے میں اپنے گروپ میں پہلی پوزیشن حاصل کرتے ہوئے مسلسل چوتھی مرتبہ ورلڈکپ کے لیے کوالیفائی کیا تھا۔
ایرانی فٹبال فیڈریشن کے صدر مہدی تاج کا کہنا ہے کہ موجودہ حالات میں ٹورنامنٹ میں شرکت مشکل دکھائی دیتی ہے شیڈول کے مطابق ایران کو 107 روز بعد لاس اینجلس میں نیوزی لینڈ کے خلاف اپنا پہلا میچ کھیلنا ہے۔
دوسری جانب فیفا حکام نے کہا ہے کہ وہ صورتحال پر مسلسل نظر رکھے ہوئے ہیں اور محفوظ ورلڈکپ کا انعقاد ان کی اولین ترجیح ہے۔
ایران گروپ جی میں بیلجیئم، نیوزی لینڈ اور مصر کے ساتھ شامل ہے اگر ایران اور امریکا اپنی اپنی گروپس میں دوسری پوزیشن حاصل کرتے ہیں تو 3 جولائی کو ڈیلاس میں دونوں ٹیموں کے درمیان ممکنہ مقابلہ بھی متوقع ہے۔
واضح رہے کہ فیفا ورلڈکپ 2026، 11 جون سے 19 جولائی تک امریکا، میکسیکو اور کینیڈا میں کھیلا جائے گا۔
