پاکستانی فائٹر عبدالمنان نے ایشین چیمپئن شپ کے فائنل کیلئے کوالیفائی کر لیا

پاکستان کے اُبھرتے ہوئے فائٹر عبدالمنان نے لبنان میں جاری آئی ایم ایم اے ایف ایشین چیمپئن شپ میں شاندار کارکردگی دکھاتے ہوئے جونیئر مین کیٹیگری کے فائنل میں جگہ بنا لی ہے۔ عبدالمنان نے اپنی رفتار، مہارت اور مؤثر فائٹنگ حکمتِ عملی کے ذریعے حریفوں کو شکست دے کر فیصلہ کن مرحلے میں رسائی حاصل کی۔

یہ چیمپئن شپ 4 سے 10 دسمبر 2025 تک جاری ہے جس میں 18 ممالک کے تقریباً 400 کھلاڑی حصہ لے رہے ہیں۔

گزشتہ برس لاہور میں ہونے والی ایشین چیمپئن شپ میں بھی پاکستانی فائٹرز نے 12 میڈلز اپنے نام کر کے شاندار کارکردگی کا مظاہرہ کیا تھا، جب کہ پاکستان عالمی سطح پر متعدد سابق چیمپئنز کو شکست دے کر نمایاں مقام حاصل کر چکا ہے۔