تحریک انصاف کے سابق ایم پی اے پیپلزپارٹی میں شامل
ملتان سے پی ٹی آئی کے سابق ممبر پنجاب اسمبلی ملک واصف مظہر راں نے اپنے بھائیوں عاطف مظہر راں اور کاشف مظہر راں کے ہمراہ پاکستان پیپلزپارٹی میں باقاعدہ شمولیت اختیار کرلی.
سینئر وائس چیئرمین پی پی پی سید یوسف رضا گیلانی سے ملاقات کے بعد پریس کانفرنس کرتے ہوئے ملک واصف مظہر راں نے شمولیت کا اعلان کیا .
ملک واصف مظہر راں حلقہ پی پی 219 سے تیر کے نشان پر پاکستان پیپلزپارٹی کے امیدوار ہونگے اور آئیندہ الیکشن میں سید یوسف رضا گیلانی اور سید علی حیدر گیلانی کی بھرپور حمایت کریں گے .
ملک واصف راں 2018 کے جنرل الیکشن میں تحریک انصاف کے ٹکٹ پر صوبائی اسمبلی کے ممبر منتخب ہوئے تھے ، ان کے والد بھی متعدد بار صوبائی اسمبلی کے ممبر منتخب ہوچکے ہیں.