گزشتہ 24 گھنٹے میں پنجاب میں 12 نئے مریضوں میں ڈینگی کی تصدیق
اردو انٹرنیشنل (مانیٹرنگ ڈیسک) سیکریٹری صحت پنجاب علی جان خان نے بتایا کہ لاہور میں گزشتہ روز 10 نئے مریض سامنے آئے جبکہ راولپنڈی میں گزشتہ روز کوئی نیا ڈینگی مریض رپورٹ نہیں ہوا۔
سیکریٹری صحت نے کہا کہ گوجرانوالہ میں گزشتہ روز کوئی نیا ڈینگی مریض رپورٹ نہیں ہوا، فیصل آباد میں گزشتہ روز کوئی نیا ڈینگی مریض رپورٹ نہیں ہوا۔
علی جان خان نے بتایا کہ پنجاب بھر کے ہسپتالوں میں اس وقت ڈینگی کےکل 22 مریض زیر علاج ہیں، لاہور کے ہسپتالوں میں اس وقت ڈینگی کےکل 11 مریض زیر علاج ہیں۔
ایک رپورٹ کے مطابق ڈینگی بخار مچھروں کی ایک قسم Aedes کے کاٹنے سے ہوتا ہے جو خود ڈینگی وائرس سے متثر ہوتا ہے اور کاٹنے کے بعد خون میں وائرس کو منتقل کردیتا ہے۔مگر یہ بیماری ایک سے دوسرے فرد میں براہ راست نہیں پھیلتی لیکن اب موسمیاتی تبدیلیوں کے باعث ڈینگی کا سبب بننے والے مچھر وائرس کو پھیلانے کے لیے طاقتور بن چکے ہیں۔
ڈینگی کے زیادہ تر کیسز ایشیائی اور افریقی ممالک میں رپورٹ ہوتے ہیں اور پاکستان کا شمار بھی اس سے متاثر ہونے والے جنوبی ایشیا کے بڑے ممالک میں ہوتا ہے۔
اس وقت ڈینگی کے علاج کے لیے کوئی خصوصی ویکسین ،کیپسول، گولی یا سیرپ دستیاب نہیں ہے، البتہ ڈاکٹرز مختلف ادویات سے اس کا علاج کرتے ہیں۔
یاد رہے کہ رواں سال پنجاب میں ڈینگی کے 15ہزار 78 کنفرم مریض رپورٹ ہوئے۔