اردو انٹرنیشنل (اسپورٹس ویب ڈیسک) تفصیلات کے مطابق پاکستان سپورٹس بورڈ کے زیر اہتمام اسلام آباد میں پاکستان انٹر بورڈ سپورٹس گالہ منعقد ہوا‘جس میں پاکستان بھر سے18 بورڈز کی ٹیموں نے بیڈمنٹن مقابلوںمیں حصہ لیا۔
گوجرانوالہ بورڈ اور لاہور بورڈ کی گرلزبیڈمنٹن کی ٹیمیں فائنل میچ میں پہنچیں۔ فائنل میچ میں 9 راؤنڈ ہوئے ‘آخری راؤنڈ میں گوجرانوالہ بورڈ کی ٹیم نے لاہور بورڈ کی ٹیم کو شکست دیکر فائنل میچ جیت لیا۔
گوجرانوالہ بورڈ کی ٹیم میں ہمنا ارشاد،سمہا نوید،کرمل سیموئل،منیبہ محمد علی،مافیہ اور بتول زہرا شامل تھیں۔ کمشنر /چیئرمین تعلیمی بورڈ گوجرانوالہ سید نوید حیدر شیرازی نے کامیابی پر گوجرانوالہ بورڈ کی ٹیم کو مبارکباد پیش کی۔
