This series will not end until the law lays hands on the planners of May 9: Khawaja Asif
وزیر دفاع خواجہ آصف نے کہا ہےکہ 9 مئی کے بھیانک دن کے منصوبہ ساز جب تک قانون کی گرفت میں نہیں آئے گا، یہ سلسلہ ختم نہیں ہوگا۔
سوشل میڈیا پلیٹ فارم ایکس پر جاری بیان میں خواجہ آصف نے کہا کہ آج سانحہ 9 مئی کے 25 ملزموں کو سزائیں سنائی گئی ہیں، ہونا تو یہ چاہیے تھا کہ امریکا اور برطانیہ کی طرح فوری انصاف ہوتا، اس تاخیر نے ملزموں اور ان کے سہولت کاروں کے حوصلے بڑھائے ہیں۔
وزیر دفاع نے کہا کہ ایک تاریک دن کی مذمت سے گریز کیا گیا، مذمت سے گریز کرکے شہدا اور غازیوں کی توہین کرنے والوں کو ہیرو بنایا گیا، ابھی تو جو کارکن استعمال ہوئے قانون کے ہاتھ ان کے گریبان تک پہنچے ہیں۔
انہوں نے مزید کہا کہ قانون بھیانک دن کے منصوبہ ساز پر ہاتھ نہیں ڈالے گا تو ایسے عناصر کے حوصلے، وطن دشمن بڑھاتے رہیں گے۔
