چیمپئنز ٹرافی پر تبادلہ خیال کیلئے پی سی بی کا اجلاس 18 دسمبر کو ہوگا

اردوانٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) کے بورڈ آف گورنر کا اجلاس 18 دسمبر کو اسلام آباد میں ہوگا۔

پی سی بی ذرائع کے مطابق اجلاس کی صدارت پی سی بی کے چیئرمین سید محسن نقوی کریں گے۔

بورڈ آئندہ چیمپئنز ٹرافی سے متعلق مختلف امور پر تبادلہ خیال کرے گا جس میں ایونٹ کی میزبانی کے حقوق کے حصول میں درپیش چیلنجز بھی شامل ہیں چیئرمین بورڈ آف گورنرز کو ان امور پر بریفنگ دیں گے۔

ذرائع نے مزید انکشاف کیا ہے کہ اجلاس میں بورڈ آف کنٹرول فار کرکٹ ان انڈیا (بی سی سی آئی) کی جانب سے بھارتی ٹیم کو پاکستان نہ بھیجنے کی وجوہات پر غور کیا جائے گا۔

اس کے علاوہ اجلاس میں چیمپئنز ٹرافی کی تیاریوں کے سلسلے میں اسٹیڈیم کی اپ گریڈیشن کا بھی جائزہ لیا جائے گا۔