اردوانٹرنیشنل (اسپورٹس ڈیسک) تفصیلات کے مطابق آئی سی سی چیمپیئنز ٹرافی کے شیڈول کا اعلان بھارت کے پاکستان کا دورہ نہ کرنے کی وجہ سے تاخیر کا شکار ہو گیا ہے۔
ذرائع نے انکشاف کیا ہے کہ ابتدائی طور پر 11 نومبر کو ایک خصوصی تقریب کے ذریعے شیڈول کی نقاب کشائی کی جانی تھی لیکن اب اس تقریب کو منسوخ کر دیا گیا ہے۔
شیڈول کے اعلان میں تاخیر کی وجہ میزبان ملک (پاکستان) اور دیگر شریک ممالک کے درمیان اس معاملے پر جاری بات چیت ہے۔
حال ہی میں، بھارتی میڈیا نے رپورٹ کیا کہ بھارتی ٹیم چیمپئنز ٹرافی کے لیے پاکستان کا سفر نہیں کرے گی، اور بھارت نے اپنے میچز غیر جانبدار مقام پر کھیلنے کو ترجیح دی ہے۔
جس کے بعد بورڈ آف کنٹرول فار کرکٹ ان انڈیا (بی سی سی آئی) نے پاکستان کرکٹ بورڈ (پی سی بی) کو مطلع کیا کہ ہندوستانی ٹیم کو ٹورنامنٹ کے لیے پاکستان نہیں بھیجا جائے گا۔
