ویمن ٹی ٹوئنٹی ورلڈ کپ: انگلینڈ نے اسکاٹ لینڈ کو10 وکٹ سے ہرا دیا
اردوانٹرنیشنل(اسپورٹس ڈیسک) تفصیلات کے مطابق ڈینی وائٹ ہوج اور مایا باؤچیئر کی شاندار نصف سنچریوں کی بدولت انگلینڈ نے اتوار کو شارجہ کرکٹ اسٹیڈیم میں جاری آئی سی سی ویمن ٹی ٹوئنٹی ورلڈ کپ 2024 میں اسکاٹ لینڈ کو 10 وکٹ سے شکست دے دی۔
اس فتح کے ساتھ، انگلینڈ گروپ بی میں سرفہرست ہو گیا، جس نے آئی سی سی ویمن ٹی ٹوئنٹی ورلڈ کپ 2024 میں اب تک اپنے تینوں میچ جیتے ہیں۔
ہدف(110) کا تعاقب کرتے ہوئے، انگلینڈ نے کھیل ختم کرنے میں صرف 10 اوور کا وقت لیا جب باؤچیئر نے فاتح باؤنڈری لگائی۔
باؤچیئر نے اننگز کی پہلی تین گیندوں پر3 چوکوں کے ساتھ تعاقب کے لیےشاندار آغاز کیا ڈینی وائٹ ہوج نے بھی چوتھے اوور میں اولیویا بیل کے خلاف باؤنڈری لگاتے ہوئے پارٹی میں شمولیت اختیار کی۔
مایا باؤچیئر نے 34 گیندوں پر 12 چوکوں کی مدد سے ناقابل شکست 62 رنز بنائے جبکہ ڈینی وائٹ ہوج نے 26 گیندوں پر 7 چوکوں کی مدد سے 51 رنز بنائے۔
اسکاٹ لینڈ نے ٹاس جیتنے کے بعد پہلے بیٹنگ کا فیصلہ کیا اور محتاط آغاز کیا کیونکہ وہ 8 اوور میں 38 رنز بناسکے اس سے پہلے کہ نیٹ اسکیور برنٹ نے ابتدائی اسٹینڈ کو توڑا۔
ساسکیا ہورلی 23 گیندوں پر محض 13 رنز بنانے کے بعد پویلین لوٹ گئیں دریں اثنا، سارہ برائس نے 31 گیندوں پر 27 رنز بنائے اور سوفی ایکلسٹون کا شکار ہو گئیں۔
میگن میک کول اور کیتھرین فریزر نے ناقابل شکست 10 اور 6 رنز بنائے اور ٹیم کا مجموعہ مقررہ 20 اوور میں 109-6 تک پہنچا دیا۔
انگلینڈ کی جانب سے سوفی ایکلسٹون نے 2 وکٹ حاصل کیں، جب کہ نیٹ سکیور برنٹ، لارین بیل، چارلی ڈین اور ڈینیئل گبسن نے ایک کھلاڑی کو آوٹ کیا.