اردو انٹرنیشنل (اسپورٹس ویب ڈیسک) تفصیلات کے مطابق ساف ویمنز چیمپئن شپ 2024 کے لیے قومی ویمن ٹیم نے اسلام آباد میں ٹریننگ کا آغاز کردیا ۔عدیل رزقی ہیڈ کوچ جبکہ احسان اللہ گول کیپر کوچ کے فرائض انجام دے رہے ہیں۔
قومی ٹیم 12 اکتوبر کو اسلام آباد سے نیپال کے لیے اڑان بھرے گی۔ نپال میں منعقد ہونے والی ساف ویمنز چیمپئن شپ میں قومی ٹیم اپنی مہم کا آغاز 17 اکتوبر کو روایتی حریف بھارت کے خلاف میچ سے کرے گی۔
قومی ٹیم 20 اکتوبر کو دوسرا میچ بنگلہ دیش کے خلاف کھیلے گی ۔
میچ پاکستانی وقت کے مطابق شام 4:45 پر کھیلے جائیں گے ۔
