PCB has postponed the National Men's Under-19 Championship-PCB
پی سی بی نے نیشنل مینز انڈر 19 چیمپئن شپ ملتوی کر دی
اردوانٹرنیشنل(اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے قومی انڈر 19 تین روزہ چیمپئن شپ اور انڈر 19 ون ڈے کپ کو شروع ہونے کے پہلے ہی دن غیر معینہ مدت کے لیے ملتوی کر دیا ہے۔
پی سی بی کی جانب سے جاری کردہ ایک مختصر بیان میں اعلان کیا گیا ہے کہ قومی انڈر 19 تین روزہ چیمپئن شپ کے میچ ملتوی کر دیے گئے ہیں جو10 ستمبرسے شروع ہونے والے تھے۔
چیمپئن شپ میں تین روزہ میچ اور انڈر 19 ون ڈے کپ دونوں کھیلے جانے تھے پی سی بی کے مطابق، “ناگزیر حالات” کی وجہ سے مقابلے غیر معینہ مدت کے لیے ملتوی کیے گئے ہیں نئے شیڈول کا اعلان بعد میں کیا جائے گا۔
یاد رہے، کل 18 علاقائی ٹیموں نے، جو 16 ریجن کی نمائندگی کر رہی تھیں، کو قومی سطح پر اپنی صلاحیتوں کا مظاہرہ کرنے کے لیے مقابلہ کرنا تھا ٹورنامنٹ کے فارمیٹ میں تین روزہ میچوں کا ایک راؤنڈ تھا جس کے بعد اسی طرح کے ایک روزہ میچ ہونے تھے۔
18 علاقائی ٹیموں کو تین گروپس میں تقسیم کیا گیا تھا ہر گروپ کی سرفہرست ٹیموں کو پھر ایک روزہ میچوں میں مقابلہ کرنا پڑتا تھا.
