France beat Belgium with Kolo Muani and Dembele goals
اردو انٹرنیشنل اسپورٹس ویب ڈیسک تفصیلات کے مطابق فرانس نے اپنے پہلے میچ میں اٹلی کے ہاتھوں 3-1 کی بدترین شکست کے بعد بیلجیئم کے خلاف نیشنز لیگ کا میچ جیت لیا۔ حالانکہ انہیں بیلجیئم کے خلاف بھی کئی چیلنجز کا سامنا کرنا پڑا ۔
فرانس کے کوچ دیدیئر دیشامپ نے اس میچ کے لیے اپنے فارورڈ کھلاڑیوں کو تبدیل کیا اور ٹیم کے کپتان کلیان ایمباپے بھی پہلے ہاف میں بینچ پررہے کیونکہ وہ پچھلا پورا میچ کھیل چکے تھے۔
Photo-Getty Images
بیلجیئم نے مضبوط آغاز کیا لیکن فرانس نے برتری حاصل کر لی جب کھیل شروع ہوئے ابھی 30 منٹ بھی مکمل نہیں ہوئے تھے ، تو فرانس کے کولو میوانی نے گول کر دیا۔ وقفے کے بعد عثمانی ڈیمبلے نے ایک اور گول کر کے اسکور 2-0 کر دیا۔
ایمباپے دوسرے ہاف میں آئے اور انہیں دو اچھے مواقع ملے لیکن وہ گول نہیں کر سکے۔ مخالف ٹیم کوئی بھی گول کرنے میں ناکام رہی اور میچ کا نتیجہ 2 صفر سے فرانس کے حق میں رہا ۔
دوسری جانب اٹلی نے اسرائیل کو 2-0 سے شکست دے کر اپنے مضبوط آغآز کے سلسلے کو جاری رکھا ۔
