پاکستان شاہینز بمقابلہ بنگلہ دیش اے: سیریز کے لیے میچ آفیشلز کا اعلان
اردو انٹرنیشنل (اسپورٹس ڈیسک ) تفصیلات کے مطابق پاکستان کرکٹ بورڈ (پی سی بی) نے اتوار کو پاکستان شاہینز اور بنگلہ دیش اے کے درمیان آئندہ سیریز کے لیے میچ آفیشلز کا اعلان کر دیا۔
پاکستان شاہین 13 اگست سے شروع ہونے والی دو چار روزہ اور تین 50 اوورز کی سیریز میں بنگلہ دیش اے کے خلاف میدان میں اترے گی۔
پہلا چار روزہ میچ 13 اگست سے 16 اگست تک کھیلا جائے گا جبکہ دوسرا میچ 20 اگست کو شروع ہونا ہے۔
دو چار روزہ میچوں کے بعد تین ایک روزہ میچ 26، 28 اور 30 اگست کو کھیلے جائیں گے تمام میچز اسلام آباد کلب میں کھیلے جائیں گے۔
ندیم ارشد چار روزہ میچوں میں میچ ریفری کے فرائض سرانجام دیں گے جبکہ وائٹ بال گیمز میں افتخار احمد فرائض سرانجام دیں گے۔
فیصل آفریدی اور عمران جاوید پہلے چار روزہ میچ میں آن فیلڈ امپائر ہوں گے دوسرے میچ کے لیے آفریدی ناصر حسین کو جوائن کریں گے۔
راشد ریاض، عبدالمقیت اور ولید یعقوب ون ڈے میچز میں آن فیلڈ امپائرز کے فرائض انجام دیں گے۔
