Injured and locked-out fans file first lawsuits over Copa America stampede and melee
اردو انٹرنیشنل اسپورٹس ویب ڈیسک تفصیلات کے مطابق کوپا امریکہ کے فائنل میں بھگدڑ اور افراتفری کے دوران زخمی ہونے والے شائقین نے قانونی چارہ جوئی شروع کر دی ہے۔
یہ واقعات اس وقت پیش آئے جب کچھ شائقین بغیر ٹکٹ کے زبردستی اسٹیڈیم میں داخل ہوئے جس سے ٹکٹ رکھنے والوں کو پریشانی کا سامنا کرنا پڑا۔ کچھ لوگ زخمی ہوئے، اور دوسرے ٹکٹ ہونے کے باوجود اندر نہیں جا سکے۔
جمعہ کی صبح تک، ہارڈ راک اسٹیڈیم اور جنوبی امریکی فٹ بال کی انچارج تنظیم کونمبول کے خلاف کم از کم چار مقدمے دائر کیے جا چکے تھے۔ یہ مقدمے ارجنٹائن اور کولمبیا کے درمیان کھیل سے پہلے ہونے والی بھگدڑ کی وجہ سےدائر کیے گئے ۔
ایک زخمی خاتون کی نمائندگی کرنے والے اٹارنی جڈ روزن نے کہا کہ اسٹیڈیم اور کونمبول کو زیادہ سے زیادہ سیکیورٹی کا انتظام کرنا چاہیےتھا لیکن انہوں نے حفاظت پر منافع کو ترجیح دی۔اٹارنی نے دعویٰ کیا کہ کونمبول نے مناسب حفاظتی منصوبے پرمطلوبہ رقم خرچ کرنے میں کنجوسی برتی ۔
تاہم اس مؤقف پر اسٹیڈیم کے حکام نے زیادہ تبصرہ نہیں کیا اور صرف یہ کہا کہ وہ منتظمین سے براہ راست خریدے گئے ٹکٹوں کو واپس کر دیں گے۔ انہوں نے بتایا کہ انہوں نے میامی ڈولفنز کے باقاعدہ کھیلوں کے مقابلے فائنل کے لیے سیکیورٹی کو دوگنا کر دیا تھا اور کونمبول کی حفاظتی سفارشات کو پورا کیا تھا۔
یہ اسٹیڈیم 2026 کے ورلڈ کپ کے دوران کئی کھیلوں کی میزبانی بھی کرے گا۔
ایزابیل کوئنٹرو زخمی ہونے والوں میں شامل تھی جنہیں دیواروں اور ستونوں میں دھکیلا گیا ۔ پولیس نے کولمبیا کی فٹ بال فیڈریشن کے صدر اور ان کے بیٹے سمیت 27 افراد کو گرفتار کر لیا، جو کھیل کے بعد سیکیورٹی گارڈ سے جھگڑ پڑے۔ انہوں نے 55 لوگوں کو اسٹیڈیم سے بھی نکال دیا۔
