کیا پاکستان کرکٹ بورڈشاہین آفریدی کے خلاف کارروائی کرے گا؟
اردو انٹرنیشنل (اسپورٹس ڈیسک ) تفصیلات کے مطابق شاہین شاہ آفریدی، جو ٹی ٹوئنٹی ورلڈ کپ کے دوران اپنے مبینہ عدم تعاون کے رویے کی وجہ سے تنازعات کا شکار ہیں کو تادیبی کارروائی کا سامنا کرنا پڑ سکتا ہے جس کے نتیجے میں وہ بنگلہ دیش کے خلاف دو میچوں کی سیریز سے باہر ہو سکتے ہیں۔
قومی سلیکشن کمیٹی جس میں ٹیم کے کوچز، محمد یوسف، اسد شفیق اور چند سپورٹ سٹاف ممبران شامل ہیں، شاہین کی شمولیت کے حوالے سے حتمی اشارے کا انتظار کر رہے ہیں .
کوچز اور کپتان کے علاوہ منیجرز نے نیٹ سیشن کے دوران محمد یوسف کے ساتھ ان کے گرما گرم الفاظ کے تبادلے اور ورلڈ کپ کے دوران کچھ اہم میچوں سے قبل گروپ ڈسکشن میں شرکت نہ کرنے کی نشاندہی کی۔
اگرچہ شاہین نے یوسف سے معافی مانگ لی لیکن اس واقعے کا تذکرہ ٹیم آفیشلز کی جانب سے چیئرمین محسن نقوی کے ساتھ جمع کرائی گئی رپورٹس میں کیا گیا۔
دی نیوز کے رابطہ کرنے پر کوچنگ عملے کے ایک رکن نے رپورٹس سے اٹھنے والے تنازعہ کو ختم کرنے کی کوشش کی اور کہا کہ یہ محض ایک معمول کا معاملہ ہے۔
ہمیں ان تمام چیزوں کا ذکر کرنا ہوگا جو ورلڈ کپ مہم کے دوران ہوا تھا اس معاملے پر فیصلہ کرنا پی سی بی کے چیئرمین پر منحصر ہے۔
اگرچہ ایک آفیشل اسٹرائیکر شاہین کو سیریز سے ڈراپ کرنے کے حق میں نہیں ہے، لیکن اکثریت کا خیال ہے کہ مستقبل میں ایسے کیسز سے بچنے کے لیے احتساب متعارف کرایا جانا چاہیے۔
میں اس کے بجائے غیر ملکی لیگز کے لیے شاہین کا این او سی منسوخ کرنے کا مشورہ دوں گا اے کیٹیگری کنٹریکٹ سے ان کی تنزلی بھی پی سی بی کے لیے دستیاب ایک آپشن ہے تاہم اس معاملے پر فیصلہ کرنے کا حتمی اختیار چیئرمین کے پاس ہے وہ تیز گیند باز کو معاف کرنے کی طاقت رکھتے ہے۔
مختصر دو میچوں کی سیریز کے لیے قومی کرکٹ کیمپ 6 اگست سے اسلام آباد میں شروع ہوگا جہاں ریڈ بال کے کوچ جیسن گلیسپی ٹریننگ کی نگرانی کریں گے۔ ریڈ بال ہیڈ کوچ اسلام آباد میں کیمپ کی نگرانی کے لیے آسٹریلیا کے دورے کے ابتدائی حصے کے دوران شاہینز کے ساتھ رہنے کے بعد واپس آئے گے۔
