پنجاب گیمز میں 10 لاکھ سے زائد کھلاڑی شرکت کریں گے: وزیر کھیل فیصل ایوب

اردو انٹرنیشنل اسپورٹس ویب ڈیسک تفصیلات کے مطابق پنجاب کے وزیر کھیل ملک فیصل ایوب کھوکھر نے کہا ہے کہ مستقبل قریب میں پنجاب گیمز کا انعقاد کیا جائے گا جس میں صوبے بھر سے 10 لاکھ سے زائد کھلاڑی شرکت کریں گے۔ یہ بات انہوں نے منگل کو نیشنل ہاکی سٹیڈیم میں سپورٹس بورڈ پنجاب کے نئے ممبران کے تعارفی اجلاس سے خطاب کرتے ہوئے کہی۔

انہوں نے کہا کہ پنجاب گیمز کے مقابلے یونین کونسل سے لے کر پنجاب کی سطح تک منعقد کیے جائیں گے اور یہ دور دراز علاقوں کے مرد اور خواتین کھلاڑیوں کے لیے اپنی کھیلوں کی صلاحیت کو ثابت کرنے کا سنہری موقع ہوگا۔ فیصل کھوکھر نے کہا کہ اگلے سال کی کھیلوں کی سرگرمیوں کی مکمل تفصیل اور شیڈول پر مشتمل ایک کمپیکٹ سپورٹس کیلنڈر تیار کیا جائے گا۔

انہوں نے مزید کہا کہ یہ کیلنڈر سپورٹس بورڈ پنجاب کے اگلے جنرل باڈی اجلاس میں پیش کیا جائے گا۔

اجلاس میں وائس چیئرمین اسٹیٹ بینک اویس رؤف، ایڈیشنل سیکریٹری سپورٹس فرحان فاروق، ایم پی اے اجمل خان چانڈیہ، ڈائریکٹر جنرل سپورٹس پنجاب پرویز اقبال، اولمپیئن ارشد ندیم، اولمپیئن جنید، اعصام الحق، عمر اسلم، وسیم اختر، ڈاکٹر عمارہ رباب، ارشد ستار، اسد ضیاء اور دیگر حکام شرکت کی۔