اردو انٹرنیشنل (اسپورٹس ڈیسک) تفصیلات کے مطابق انگلینڈ نے اوول میں کھیلے گئے چوتھے ٹی ٹوئنٹی میں پاکستان کو سات وکٹوں سے شکست دے کر سیریز 2-0 سے جیت لی۔
میزبان ٹیم نے 158 رنز کے ہدف کا تعاقب 16ویں اوور میں بابر اعظم اینڈ کمپنی کو 157 رنز پر آؤٹ کرنے کے بعد کیا۔
انگلینڈ نے جارحانہ انداز میں ہدف کا تعاقب کرتے ہوئے پاور پلے میں 78 رنز بنائے فل سالٹ اور کپتان جوس بٹلر شاٹس کھیلتے رہے اور پاکستانی بولرز کو دباؤ میں ڈالتے رہے۔
اس جوڑی نے 82 کا اضافہ کیا اس سے پہلے کہ حارث رؤف نے سالٹ (45) کو آؤٹ کرکے پاکستانی شائقین میں کچھ دلچسپی پیدا کی اپنے دوسرے اوور میں انہوں نے بٹلر (39) کو آوٹ کر دیا جبکہ اگلے اوور میں ول جیکس (20) کلین بولڈ ہو گئے۔
انگلینڈ نے جونی بیرسٹو (28*) اور ہیری بروک (17*) کی بدولت ہدف 15.3 اوورز میں تین وکٹوں کے نقصان پر پورا کر لیا۔
حارث واحد پاکستانی باولر تھے جنہوں نے 3 وکٹیں حاصل کیں۔
اس سے قبل بٹلر نے بابر اعظم اینڈ کمپنی کو پہلے بیٹنگ کرنے کو کہا مہمان ٹیم نے بابر اور محمد رضوان کی ابتدائی جوڑی کے ساتھ اننگز کا شاندار آغاز کیا۔
گرین شرٹس میچ پر مکمل کنٹرول میں نظر آئے لیکن چھٹے اوور کی آخری گیند پر بابر (36) اپنی وکٹ گنوا بیٹھے .
بابر کے آؤٹ ہونے کے فوراً بعد رضوان (23) بھی اگلے اوور میں عادل رشید کے ہاتھوں بولڈ ہو کر پویلین واپس چلے گئے۔
پاکستان کی جانب سے وقفے وقفے سے وکٹیں گرنے کا سلسلہ جاری رہا لیکن عثمان خان نے 21 گیندوں پر تین چوکوں اور دو چھکوں کی مدد سے اہم 38 رنز بنائے۔
فخر زمان (9)، اعظم خان (0) اور شاداب خان (0) بلے سے ناکام رہے افتخار احمد کے پاس گرین شرٹس کو زبردست ٹوٹل تک پہنچانے کا موقع ملا لیکن دائیں ہاتھ کے بلے باز نے 18 گیندوں پر 21 رنز کی شراکت کے بعد اپنی اننگز کا اختتام کیا۔
نسیم شاہ نے 16 رنز بنائے اور پاکستان کی اننگز 19.5 اوورز میں 157 رنز کے مجموعی اسکور پر ختم ہوئی۔
انگلینڈ کی جانب سے مارک ووڈ، عادل رشید اور لیام لیونگ اسٹون نے دو جبکہ جوفرا آرچر، کرس جارڈن اور معین علی نے ایک وکٹ حاصل کی۔
ٹی ٹوئنٹی ورلڈ کپ 2024 سے قبل یہ دونوں فریقوں کی آخری سیریز تھی جو یکم جون سے امریکہ اور ویسٹ انڈیز میں شروع ہوگی۔
پاکستان کل ڈلاس، امریکہ کا سفر کرے گا جبکہ انگلینڈ اپنی متعلقہ ورلڈ کپ مہم کے لیے بارباڈوس ویسٹ انڈیز جائے گا۔