پاکستان بمقابلہ نیوزی لینڈ:اظہر محمودکا چوتھے میچ میں شکست کے بعد تشویش کا اظہار

اردو انٹرنیشنل (اسپورٹس ڈیسک) تفصیلات کے مطابق پاکستان کے ہیڈ کوچ اظہر محمود نے سیریز کے چوتھے میچ میں نیوزی لینڈ کے خلاف ہوم سائیڈ کی چار رنز سے شکست کے بعد تشویش کا اظہار کیا ہے۔

گرین شرٹس ہدف کا تعاقب کرنے کے قریب پہنچی لیکن آخری اوور میں آل راؤنڈر عماد وسیم اپنی ٹیم کو فتح دلوانے میں ناکام ہو گئے۔

پاکستان کے کپتان بابر اعظم کی جانب سے پہلے بیٹنگ کرنے کے بعد، مہمانوں نے 178/7رنز بنائے جبکہ پاکستان تعاقب میں صرف 174/8 رنز بنا سکی .

میچ کے بعد گفتگو کرتے ہوئے اظہر نے کہا کہ پاکستان کھیل کے بہت سے پہلوؤں میں نیوزی لینڈ سے بہتر ہے تاہم مستقبل میں کچھ چیزوں پر کام کرنا ہے۔

انہوں نے کہا کہ ہمارے لیے کچھ مثبت چیزیں تھیں کیونکہ ہم نے نیوزی لینڈ سے زیادہ باؤنڈریز اسکور کیں ہم نے زیادہ ڈاٹ بالز بھی کیں لیکن انہوں نے ہم سے زیادہ ڈبلز لیے یہ ہمارے لیے تشویش کا باعث ہیں اور ہم اس پر مسلسل کام کر رہے ہیں”۔

دریں اثنا، انہوں نے اپنی پہلی سیریز کی تین اننگز میں بڑے رنز نہ بنانے کے باوجود عثمان خان کی حمایت کی۔

انہوں نے مزید کہا کہ عثمان خان نے آج جس طرح سےکھیل کی شروعات کی وہ دیکھنا خوشگوار تھا اس نے کچھ اچھے شاٹس کھیلے لیکن وہ اس طرح کا مظاہرہ نہیں کر سکے جس طرح ہم چاہتے تھے۔

اظہر نے کہا کہ وہ یکم جون سے ویسٹ انڈیز اور امریکہ میں شیڈول ٹی ٹوئنٹی ورلڈ کپ کے لیے اپنی بہترین الیون کو جانتے ہیں۔

انہوں نے نتیجہ اخذ کیا کہ ہمیں اپنی بہترین پلیئنگ الیون کا اندازہ ہے لیکن ہم ورلڈ کپ میں جانے سے پہلے اپنی بینچ کی طاقت کو بھی آزمانا چاہتے تھے۔