Pakistan vs New Zealand: Hafeez criticizes team selection
اردو انٹرنیشنل(اسپورٹس ڈیسک) تفصیلات کے مطابق پاکستان کے سابق آل راؤنڈر محمد حفیظ نے جمعرات کو نیوزی لینڈ کے خلاف ہوم سرزمین پر ٹی ٹوئنٹی سیریز کے لیے ٹیم سلیکشن پر تنقید کی۔
ایک مقامی کرکٹ ویب سائٹ کے مطابق حفیظ بابر اعظم کی بطور کپتان واپسی کے بعد سلیکشن کے معیار سے متاثر نہیں تھے۔
حفیظ نے کہا میں سمجھتا ہوں کہ اگر بابر نے اپنی غلطیوں سے سیکھا ہے اور اگر وہ اب بہتر فیصلے کرتے ہیں اور وہ تمام کام کرتے ہیں جو اس نے پہلے نہیں کیے تھے تو حالات بہتر ہو سکتے ہیں لیکن نیوزی لینڈ سیریز کے لیے انتخاب سے آپ کو اندازہ ہو گا کہ وہی عمل دوبارہ شروع ہو گیا ہے۔
ایک کمزور نیوزی لینڈ کے لیے جہاں 12 سے 13 اہم کھلاڑی دستیاب نہیں ہیں اس کے لیے ہم نے ہر اس کھلاڑی کو منتخب کیا ہے جو شاید گھر بیٹھا تھا اور اسے پاکستان کے لیے کھیلنے کے لیے بلایا تھا لہذا میں سمجھتا ہوں کہ یہ اس سیریز کے حوالے سے ایک کمزور فیصلہ ہے۔
واضح رہے کہ پاکستان اور نیوزی لینڈ کے درمیان پانچ ٹی ٹوئنٹی میچوں پر مشتمل سیریز کا پہلا میچ آج راولپنڈی میں کھیلا جائے گا۔
ٹی ٹوئنٹی سیریز کے پانچوں میچ شام 7:00 بجے شروع ہوں گے۔
