Pakistan vs New Zealand: Azam Khan out of first T20I
اردو انٹرنیشنل(اسپورٹس ڈیسک) تفصیلات کے مطابق مڈل آرڈر بلے باز کے دائیں گھٹنے اور دائیں پنڈلی کے پٹھوں میں تکلیف کا سامنا کرنے کے بعد نیوزی لینڈ کے خلاف پاکستان کی ٹی ٹوئنٹی سیریز میں اعظم خان کی شرکت مشکوک ہے۔
پاکستان کرکٹ بورڈ (پی سی بی) اعظم کی دستیابی کے بارے میں فیصلہ کرنے سے پہلے ان کی ریڈیولاجی رپورٹس کے نتائج کا انتظار کر رہا ہے۔
پی سی بی نے ایک بیان میں کہا بدھ کے ٹریننگ سیشن کے دوران اعظم خان کو نیٹ میں بیٹنگ کرتے ہوئے اپنے دائیں گھٹنے اور دائیں پٹھوں میں تکلیف کا سامنا کرنا پڑا انہیں فوری طور پر طبی امداد اور علاج فراہم کیا گیا۔”
اعظم اس وقت میڈیکل ٹیم کی نگرانی میں ہیں، اور نیوزی لینڈ کے خلاف آئندہ میچوں میں ان کی شرکت کے بارے میں فیصلہ ریڈیولوجی رپورٹس کے نتائج تک کیا جائے گا۔
پی سی بی مناسب وقت پر مزید اپ ڈیٹس فراہم کرے گا۔
واضح رہے کہ پاکستان اور نیوزی لینڈ کے درمیان پانچ ٹی ٹوئنٹی میچوں پر مشتمل سیریز کا پہلا میچ آج راولپنڈی میں کھیلا جائے گا۔
ٹی ٹوئنٹی سیریز کے پانچوں میچ شام 7:00 بجے شروع ہوں گے۔
