اردو انٹرنیشنل(اسپورٹس ڈیسک) تفصیلات کے مطابق پاکستان کے اسٹار بلے باز اور کپتان بابر اعظم ایک اور سنگ میل کے قریب ہیں کیونکہ ان کی ٹیم اس ماہ نیوزی لینڈ کے خلاف ٹی ٹوئنٹی سیریز کے لیے تیار ہے۔
بابر کے اس وقت ٹی ٹوئنٹی کرکٹ میں 3,698 رنز ہیں اور وہ صرف ویرات کوہلی (4,037) اور روہت شرما (3,974) سے کھیل کے مختصر ترین فارمیٹ میں سب سے زیادہ رنز بنانے کی فہرست میں ہیں۔
پاکستان کے مایہ ناز بلے باز کو ٹی ٹوئنٹی کرکٹ میں کوہلی کے رنز کی تعداد برابر کرنے کے لیے صرف 339 رنز درکار ہیں۔
پاکستان اور نیوزی لینڈ کے درمیان پانچ میچوں کی ٹی ٹوئنٹی سیریز کا پہلا میچ 18 اپریل کو راولپنڈی میں کھیلا جائے گا۔
نیوزی لینڈ کا سکواڈ اتوار کو اسلام آباد پہنچ گیا، اسی دوران پاکستانی ٹیم بھی عید الفطر کی تعطیلات کے بعد وفاقی دارالحکومت میں جمع ہو گئی ہے۔