انڈر 19ورلڈکپ: پاکستان کی سیمی فائنل تک رسائی

بینونی، 3 فروری 2024: پاکستان انڈر 19 نے ناقابل شکست رہتے ہوئے آئی سی سی انڈر 19 ورلڈ کپ کے سیمی فائنل کے لیے کوالیفائی کر لیا ہے کیونکہ پاکستان نے ولو مور پارک، بینونی میں کم اسکورنگ مقابلے میں بنگلہ دیش انڈر 19 کو شکست دے دی . پاکستان انڈر 19 کی تیز رفتار باؤلنگ نے بنگلہ دیش کی انڈر 19 بیٹنگ لائن اپ کو پہلی اننگز میں 155 رنز بنانے کے بعد 150 پر آؤٹ کر دیا۔
بنگلہ دیش انڈر 19 نے ٹاس جیت کر پاکستان انڈر 19 کو پہلے بیٹنگ کی دعوت دی۔ شمائل حسین اور شاہ زیب خان نے پاکستان انڈر 19 کو 37 رنز کی پہلی وکٹ کی شراکت فراہم کی۔ شمائل نے 31بالز پر 19 رنز بنائے، جس میں تین چوکے شامل تھے.

اگلے بلے باز اذان اویس ایک گیند پر چھکا لگاکر بورسن کا شکار ہو گئے۔ پاکستان انڈر 19 کے کپتان سعد بیگ نے 21 بالز پر 9 رنز بنائے، جب کہ وہ عارف الاسلام کے ہاتھوں رن آؤٹ ہو گئے۔اوپننگ بلے باز شاہ زیب (26، 67b، 3x4s) شیخ پایوز جبون کی گیند پر کیچ آؤٹ ہونے کے بعد واپس پویلین لوٹ گئے. احمد حسن نے 25بالز پر ایک چوکے کی مدد سے 11 رنز بنائے، جنہیں 26 ویں اوور کی آخری گیند پر بورسن نے کیچ آؤٹ کر کےاپنی تیسری وکٹ حاصل کی۔

پاکستان انڈر 19 کی ٹیم 26.2 اوورز میں صرف 89-6 کا اسکور بنا سکی، جس کے بعد علی اسفند اور عرفات منہاس کے درمیان ساتویں وکٹ کی شراکت میں 43 رنز بنے. عبید شاہ اور محمد ذیشان دونوں نے جلد ہی اپنی وکٹ گنوا دی جبکہ عرفات (34، 40b، 4x4s، 1×6)، جوپاکستان کی طرف سے سب سے زیادہ رنز بنانے والے تھے،

پاکستان ٹیم صرف 40.4 اوورز میں 155 رنز کا مجموعی اسکور ہی بنا سکی. جبون اور بورسن دونوں نے چار چار وکٹیں حاصل کیں جبکہ کپتان محفوظ الرحمان ربی نے ایک وکٹ حاصل کی۔

عبید نے پاکستان انڈر 19 کے لیے پہلا کھلاڑی آؤٹ کیا، کیونکہ اوپننگ بلے باز جشن عالم (19، 12b، 4x4s) تیسرے اوور میں وکٹ کے پیچھے کیچ آؤٹ ہو گئے۔ اپنے اگلے اوور میں عبید نے اسی انداز میں عاشق الرحمن شبلی کو 4 رنز پر آؤٹ کر دیا.
عبید نے اننگز کی تیسری وکٹ حاصل کی جب احرار امین سلپ میں ہارون ارشد کے ہاتھوں کیچ آؤٹ ہو گئے۔

محمد شہاب جیمز اور کپتان ربی کے درمیان ساتویں وکٹ پر 40 رنزکی شراکت نے بنگلہ دیش انڈر 19 کو کھیل میں واپسی کا موقع دیا۔ دن کے اپنے آخری اوور میں، عبید نے پانچ وکٹیں مکمل کیں، جب عبید نے جیمز کو 43 بالزپر 26 رنز پرآؤٹ کر دیا، جن کے مجموعی اسکور میں تین چوکے بھی شامل تھے۔
آخری وکٹ کی شراکت داری صرف 23 رنز بنا سکی، بورسن نے 24 بالز پر ناقابل شکست 21 رنز بنائے، جس میں زیادہ تر سنگل رنز شامل تھے۔

دائیں ہاتھ کے تیز گیند باز ذیشان کی اپنی ٹیم کی جیت کےلیے کرنے والی کوشش اس وقت رنگ لائی جب معروف مردھا کے، ان کے ہاتھوں کلین بولڈ ہو گئے، جس کیوجہ سے پاکستان پانچ رنز سے اپنی فتح حاصل کرنے میں کامیاب ہو گیا .

عبید اپنے 10 اوورز میں 44 رنز دےکر میچ کے بہترین کھلاڑی قرار پائے۔ ان کے ساتھی دائیں ہاتھ کے سیمرز نے ان کا بھرپور ساتھ دیا اور علی رضا نے تین جبکہ ذیشان نے ایک وکٹ حاصل کی۔
اسی مقام پر 8 فروری کو کھیلے جانے والے سیمی فائنل میں پاکستان انڈر 19 کا مقابلہ آسٹریلیا انڈر 19 سے ہوگا۔ توقع ہے کہ ٹاس پاکستانی وقت کے مطابق 12:30 PKT پر ہوگا .