Shan Masood to remain Test captain, Sarfaraz Ahmed to be made head coach, sources say-PCB
پاکستان کرکٹ بورڈ (پی سی بی) نے ٹیسٹ ٹیم میں تسلسل برقرار رکھنے کا فیصلہ کرتے ہوئے شان مسعود کو کپتان برقرار رکھنے کا عندیہ دیا ہے، جبکہ سابق کپتان سرفراز احمد کو ہیڈ کوچ مقرر کیے جانے کا امکان ہے۔
ذرائع کے مطابق اس کا باضابطہ اعلان بنگلا دیش کے خلاف آئندہ سیریز کے شیڈول کے ساتھ کیا جائے گا۔
اطلاعات ہیں کہ سرفراز احمد پہلی مرتبہ ہیڈ کوچ کی ذمہ داریاں سنبھالیں گے اور وہ اس وقت قومی سلیکٹر کے طور پر بھی خدمات انجام دے رہے ہیں پاکستان کو آئندہ مہینوں میں بنگلا دیش، ویسٹ انڈیز اور انگلینڈ کے خلاف تین ٹیسٹ سیریز کھیلنی ہیں۔
ادھر لاہور میں نیشنل کرکٹ اکیڈمی میں جاری ریڈ بال کیمپ سرفراز احمد کی نگرانی میں جاری ہے، جس میں نوجوان کھلاڑیوں کو نکھارنے پر توجہ دی جا رہی ہے۔
21 سالہ اوپنر اذان اویس نے ڈومیسٹک کرکٹ میں شاندار کارکردگی دکھاتے ہوئے مسلسل دو سیزنز میں نمایاں رنز اسکور کیے اور سلیکٹرز کی توجہ حاصل کر لی ہے۔
ذرائع کا کہنا ہے کہ شان مسعود کو برقرار رکھنا ٹیم میں استحکام کی پالیسی کا حصہ ہے، جبکہ نوجوان ٹیلنٹ کو آگے لانے کے لیے اکیڈمی سطح پر کام تیز کر دیا گیا ہے۔
