Women's T20 World Cup 2026 prize money announced-ICC
انٹرنیشنل کرکٹ کونسل (آئی سی سی) نے ویمنز ٹی ٹوئنٹی ورلڈ کپ 2026 کے لیے انعامی رقم کا اعلان کر دیا ہے، جس میں گزشتہ ایڈیشن کے مقابلے میں 10 فیصد اضافہ کیا گیا ہے۔
آئی سی سی کے مطابق ٹورنامنٹ کی مجموعی انعامی رقم بڑھا کر 87 لاکھ 64 ہزار 615 ڈالر کر دی گئی ہے، جو 2024 میں 79 لاکھ 58 ہزار ڈالر تھی۔
ورلڈ کپ جیتنے والی ٹیم کو 23 لاکھ 40 ہزار ڈالر جبکہ رنر اپ ٹیم کو 11 لاکھ 70 ہزار ڈالر دیے جائیں گے۔ سیمی فائنل میں شکست کھانے والی دونوں ٹیموں کو 6 لاکھ 75 ہزار ڈالر فی ٹیم ملیں گے۔
مزید برآں، گروپ اسٹیج میں ہر میچ جیتنے والی ٹیم کو 31 ہزار 154 ڈالر جبکہ ایونٹ میں شریک ہر ٹیم کو 2 لاکھ 47 ہزار ڈالر بطور شرکت فیس دیے جائیں گے۔
واضح رہے کہ ویمنز ٹی ٹوئنٹی ورلڈ کپ 12 جون 2026 سے انگلینڈ میں شروع ہوگا۔
