ایس آئی ایف سی کے تعاون سے مالی سال 25-2024 کے دوران جولائی تا دسمبر برآمدات میں 10.52 % اضافہ ہوا ہے۔
گزشتہ سال 14.9 ارب ڈالر کے مقابلے میں برآمدات 16.5 ارب ڈالر تک پہنچ گئیں، جولائی تا نومبر برآمدات کا 12.5 % اضافے کے ساتھ 13.6 ارب ڈالر تک پہنچ جانا حکومتی کاوشوں کا منہ بولتا ثبوت ہے۔
ملکی معیشت میں استحکام کے باعث دسمبر 2024ء میں برآمدات 2.841 ارب ڈالر تک پہنچ گئیں۔ نومبر کے مقابلے میں دسمبر کی برآمدات میں 0.28 % اضافہ معاشی استحکام کی جانب مثبت اشارہ ہے۔
ایس آئی ایف سی کی معاونت سے مستحکم برآمدات اور درآمدات معیشت میں بہتری کی عکاس ہے۔ ایس آئی ایف سی کی سہولت کاری سے اقتصادی ترقی کے لیے برآمدات میں مثبت رجحان برقرار ہے۔
واضح رہے کہ ایس آئی ایف سی کے تعاون سے برآمدات میں اضافے کے باعث معاشی ترقی کی راہیں ہموار ہو رہی ہیں۔
ایس آئی ایف سی کی سہولت کاری اور حکومتی کاوشوں کی بدولت کھیلوں کی صنعت کو عالمی سطح پر پذیرائی حاصل ہو رہی ہے، سی پیک کے تحت پاک چین تجارتی تعلقات مضبوط، سپورٹس گڈز کی برآمدات میں اضافہ ہوا ہے، پاکستان کی سپورٹس مصنوعات کی چین کو برآمدات میں 6.68 فیصد اضافہ ہوا، 2024ء میں 10.7 ملین ڈالر کی برآمدات ہوئیں۔
پاکستان کی سپورٹس گڈز کی صنعت کی عالمی سطح پر ترقی اور چین کے ساتھ اقتصادی تعلقات میں مزید استحکام آیا ہے۔
